પંચમહાલ: શહેરા તાલુકાની સરકારી, ગ્રાન્ટેડ અને ખાનગી માધ્યમિક અને ઉચ્ચતર માધ્યમિક શાળાઓના આચાર્યો ની માઈક્રોસોફ્ટ અને ગુગલ ડીઝીટલ તાલીમ યોજાઈ

પંચમહાલ જીલ્લા ની શહેરા તાલુકાની 50 સરકારી, ગ્રાન્ટેડ અને ખાનગી માધ્યમિક અને ઉચ્ચતર માધ્યમિક શાળાઓના આચાર્યોની ડીઝીટલ તાલીમ વર્કશોપ સરકારી વિનયન કોલેજ કાંકરી ખાતે જિલ્લા શિક્ષણાધિકારી પંચમહાલ બી.એસ.પંચાલ અને જિલ્લા પ્રાથમિક શિક્ષણાધિકારી પંચમહાલ ડૉ. વી.એમ.પટેલના અધ્યક્ષ સ્થાને અને સરકારી વિનયન કોલૅજના આચાર્ય ડૉ.વિપુલ ભાવસાર અતિથિ વિશેષના સાનિધ્યમાં યોજાઈ. વર્તમાન સમયે માઈક્રોસોફ્ટ ટીમ દ્વારા વર્ચ્યુઅલ ક્લાસ દ્વારા શિક્ષણ આપવું મહત્વનું અંગ બની ગયું છે.

માધ્યમિક અને ઉચ્ચતર માધ્યમિક શાળાના 279 જેટલા શિક્ષકો અને આચાર્યો વગેરે વધુ ટેકનોલોજીનો ઉપયોગ કરતા થાય અને શહેરા તાલુકાના માધ્યમિક અને ઉચ્ચતર માધ્યમિક શાળાઓના 12336 જેટલા વિદ્યાર્થીઓને ઉત્કૃષ્ઠ ટેકનોલોજીના માર્ગદર્શન સાથે શિક્ષણ મળે તે હેતુથી આ ડીઝીટલ તાલીમ આપવામાં કરવામાં આવી હતી. આગામી તારીખ 8 અને 9 તાલુકાની તમામ માધ્યમિક અને ઉચ્ચતર માધ્યમિક શાળાઓમાં શાળા કક્ષાએ જ શિક્ષકોને સમગ્ર શિક્ષા અભિયાન શહેરા દ્વારા તૈયાર કરેલ ટેકનોલોજી માસ્ટર તજજ્ઞો દ્વારા વ્યક્તિગત માર્ગદર્શન આપવામાં આવશે.

જિલ્લા શિક્ષણાધિકારી પંચમહાલે પોતાના વ્યક્તવ્યમાં જણાવ્યું હતું કે વર્તમાન સમયમાં વધુ ટેકનોલોજીનો ઉપયોગ કરી છેવાડાના બાળકોને શિક્ષણ મળે તેવા પ્રયત્નો કરવા જોઈએ.

જિલ્લા પ્રાથમિક શિક્ષણાધિકારીએ પોતાના વ્યક્તવ્યમાં જણાવ્યું હતું કે દરેક બાળકોને શિક્ષણ મળે તે ખૂબ મહત્વનું છે. પ્રત્યેક વ્યક્તિ ટેકનોલોજીના ક્ષેત્રે પ્રગતિ કરી સારું શિક્ષણ અને સફળતા મેળવી શકે છે.

સરકારી વિનયન કોલેજ શહેરા ના આચાર્ય ડૉ.વિપુલ ભાવસારે જણાવ્યું કે કોરોના મહામારીના સમયે બાળકોના શિક્ષણ માટે ડીઝીટલ શિક્ષણ જ અસરકારક ઉપાય છે. જેના માટે પ્રથમ આપણે તૈયાર થઈ બાળકોને ઉત્તમ માર્ગદર્શન આપવું જોઈએ. 

આ ડીઝીટલ વર્કશોપમાં ગોવિંદ મહેરાએ માઈક્રોસોફ્ટ ટીમ એપના માધ્યમથી ટીમ એક્ટીવ કરવી, લિંક બનાવવી, શેરિંગ કરવી, ફોટો, વીડિયો અને સ્ક્રીન શેર, અસાઈમેન્ટ આપવા અને લેવા, વાઈટ બોર્ડ, ઈ-કન્ટેન્ટ, ટેક્સબૂક અને ગુગલ ફોર્મ કેવી રીતે બનાવવું, સર્ટિફિકેટ કેવી રીતે અપલોડ કરી મેળવવું અને ગુણ કેવી રીતે આપવા વગેરે સંદર્ભે વિસ્તૃત માર્ગદર્શન આપ્યું હતું.

This article is personal view of our viewer, we’re not confirmed any details personally, let us know if you know anything more about this.