રાજય સરકાર દ્વારા ખાનગી શાળાઓની ફીમાં 25 ટકાની ફીમાં રાહત અપાયા બાદ હવે ટેકનીકલ કોલેજોના વિદ્યાર્થીઓને પણ 25 ટકા ફી માફી આપવા માટે તખ્તો તૈયાર કરી દેવામાં આવેલ હોવાનું જાણવા મળ્યું છે.ટુંક સમય ટેકનીકલ કોલેજોના વિદ્યાર્થીઓને પણ 25 ટકા ફી માફીનો લાભ સરકાર દ્વારા આપવામાં આવનાર હોવાના અહેવાલો મળી રહ્યા છે.
ટેકનીકલ કોલેજોની ફીના મામલે સરકાર દ્વારા અગાઉ ખાસ કમિટીની રચના કરવામાં આવી હતી. જેને પણ પોતાનો રિપોર્ટ ફીના મામલે સરકારને આપી દીધાનું જાણવા મળ્યું છે.
