મનોરંજન

“હું ક્લિનિકલી ડિપ્રેસ્ડ છું”: આમિર ખાનની દીકરી ઈરા ખાને વીડિયો શેર કરીને પોતાની મેન્ટલ હેલ્થ જણાવી

10 ઓક્ટોબરના વર્લ્ડ મેન્ટલ હેલ્થ ડે સેલિબ્રેટ કરવામાં આવ્યો હતો. આજે પણ માનસિક સ્વાસ્થ્ય પ્રત્યે લોકો સજાગ નથી. લોકો મેન્ટલ હેલ્થ પર વાત કરવાનું પસંદ નથી કરતા. હાલમાં જ આમિર ખાનની દીકરી ઈરાએ એક વીડિયો પોસ્ટ કરીને કહ્યું હતું કે તે ડિપ્રેશનમાં છે.

વીડિયોમાં ઈરાએ કહ્યું હતું, “હાય, હું ડિપ્રેસ્ડ છું. હું છેલ્લાં 4 વર્ષથી ડિપ્રેશનમાં છું. હું ડૉક્ટર પાસે ગઈ હતી. હું ક્લિનિકલી ડિપ્રેસ્ડ છું. હવે મને સારું છે. છેલ્લાં એક વર્ષથી હું મેન્ટલ હેલ્થ અંગે કંઈ કરવા માગતી હતી પરંતુ મને ખ્યાલ નહોતો આવતો કે હું શું કરું? તો મેં વિચાર્યું કે હું તમને મારી સફર પર લઈ જાઉં. જોઈએ કે આગળ શું થાય છે? આશા છે કે આપણે બધા પોતાને સારી રીતે જાણી શકીશું. મેન્ટલ હેલ્થને સારી રીતે સમજી શકીશું. ચાલો, ત્યાંથી શરુ કરીએ, જ્યાંથી મેં શરૂઆત કરી હતી. હું કઈ વાતે ડિપ્રેસ્ડ છું? હું ડિપ્રેસ્ડ થનારી કોણ છું? મારી પાસે બધું છે ને?

વીડિયોના કેપ્શનમાં ઈરાએ લખ્યું છે, “ઘણું બધું ચાલી રહ્યું છે. ઘણા લોકો બહુ બધું કહી રહ્યા છે. વસ્તુઓ હકીકતમાં કન્ફયુઝિંગ અને સ્ટ્રેસફુલ તથા સરળ છે, પરંતુ યોગ્ય નથી. જિંદગી બધા પાસે છે. આ બધું કહેવાની કોઈ રીત નથી, પરંતુ મને લાગે છે કે મને કઈક મળી ગયું છે કે મને સમજાઈ ગયું છે, મેન્ટલ હેલ્થ અને મેન્ટલ ઈલ હેલ્થ વિશે. તો મારા સફરમાં મારી સાથે, અજીબ, ક્યારેક બાળકો જેવા અવાજ, પ્રામાણિક રીતે..વાતચીત શરુ કરીએ.”

23 વર્ષની ઈરાએ ગયા વર્ષે ‘યુરિપાઈડ્સ મેડિયા’ નામનાં પ્લે સાથે થિએટરમાં ડેબ્યુ કર્યું હતું. આ પ્લેને ડિરેક્ટ કર્યો હતો. આ શોથી વરુણ ધવનની ભત્રીજી અંજીની ધવને એક્ટ્રેસ તરીકે ડેબ્યુ કર્યું હતું.

Tags

Related Articles

Leave a Reply

Your email address will not be published. Required fields are marked *

Back to top button
Close