હે રામ! રાજસ્થાનમાં પૂજારીને જીવતા સળગાવાયા બાદ UPમાં મંદિરના પૂજારી પર ફાયરિંગ

રાજસ્થાન બાદ હવે યુપીમાં પણ મંદિરના પૂજારી પર હુમલાની ઘટના બની.

યુપીના ગોંડામાં આવેલા રામ જાનકી મંદિરના પૂજારીને શનિવારે રાત્રે 2 વાગ્યે હુમલાખોરોએ ગોળી મારી દીધી હતી. ઘાયલ પૂજારીને હાલમાં લખનૌ લઇ જવામાં આવ્યા છે. આ હુમલા પાછળ જમીન માફિયાઓનો હાથ હોવાનુ કહેવાઈ રહ્યુ છે.

પોલીસના કહેવા પ્રમાણે મંદિરમાં 2 પૂજારી રહે છે. આ પૈકીના એક પૂજારી સમ્રાટ સિંહને રાત્રે 2 વાગ્યે ગોળી મારવામાં આવી હોવાની જાણકારી પોલીસને મળી હતી. ગોળી પૂજારીના ખભાને વાગીને નિકળી ગઈ હતી. હાલમાં તેમની સ્થિતિ સામાન્ય છે.

આ મંદિરની જમીનને લઈને વિવાદ ચાલી રહ્યો છે. મંદિરના અન્ય એક પૂજારી પર અગાઉ હુમલો થઈ ચુક્યો છે.

પૂજારી પર ગઈકાલે થયેલા ફાયરિંગની ઘટનામાં 4 લોકો પર આરોપ લાગ્યો છે. આમાંથી બે લોકોની પૂછપરછ ચાલુ છે.