IPL2020 શરૂ થતાં જ ગુજરાતના સટૉડિયા એક્ટિવ થઇ ગયા છે, કારમાં સટ્ટો રમાડતા સટોડીયા ઝડપાયા..

છેલ્લા કેટલાક દિવસોમાં સુરત, અમદાવાદ, વડોદરામાં સતત સટોડિયાઓ ઝડપાઇ રહ્યા છે.

સટ્ટો રમાડતા બે સટોડીયાને પોલીસે સુરતના વરાછા અને કતારગામ વિસ્તારમાંથી ઝડપી પાડી રૂ.38,450 રોકડા, 6 મોબાઈલ ફોન અને અન્ય સાધન સામગ્રી મળી કુલ રૂ.82,650 નો મુદ્દામાલ કબ્જે કર્યો હતો.

વડોદરાના નવાપુરામાં વ્રજવાટિકા કોમ્પલેક્સ પાર્કિંગમા સટ્ટો રમાડતા ત્રણ આરોપીઓને પીસીબી પોલીસે ઝડપી પાડયા છે.લેપટોપ અને મોબાઇલ ફોનની મદદથી સટ્ટો રમાડતા હતા. પોલીસે કાર, લેપટોપ અને મોબાઇલ ફોન મળીને કુલ રૃપિયા 3.50 લાખનો મુદ્દામાલ જપ્ત કર્યો છે. જ્યારે કરજણના વાહીદ પઠાણને વોન્ટેડ જાહેર કરવામાં આવ્યો છે.