ઈંગ્લેન્ડનો ઓલ-રાઉન્ડર બેન સ્ટોક્સ ઈન્ડિયન પ્રીમિયર લીગની 13મી સીઝન માટે શનિવારે રાત્રે UAE પહોંચી જશે. તે પહોંચવાની સાથે Covid-19 સાથે જોડાયેલી પ્રક્રિયા પૂરી કરી લેશે જેથી પોતાની ટીમ રાજસ્થાન રોયલ્સ માટે મેદાન પર ઉતરી શકે.
શરૂઆની કેટલીક મેચ મિસ કર્યાં બાદ સ્ટોક્સ ટીમ સાથે જોડાવાનો છે. બેન પોતાના પિતાના ખરાબ સ્વાસ્થ્યને કારણે ઘણા સમયથી ક્રિકેટથી દૂર હતો.
આજે તે આવી રહ્યો છે અને તત્કાલ Covid-19 સાથે જોડાયેલી પ્રક્રિયામાંથી પસાર થશે. ત્યારબાદ તે ટીમ સાથે જોડાઈ શકશે.
UKના બબલથી UAE પહોંચનાર ઈંગ્લેન્ડ અને ઓસ્ટ્રેલિયાના ખેલાડીઓએ 36 કલાકના ક્વોરેન્ટીનમાં રહ્યાં હતા. સામાન્ય નિયમ 6 દિવસનો છે. આ સિવાય ખેલાડીઓના વાયરસના ટેસ્ટ પણ કરવામાં આવે છે.
બેન સ્ટોક્સના આવવાથી રોયલ્સની ટીમને ખુબ ફાયદો થશે. તે બોલિંગ અને બેટિંગ બંન્નેથી ઉપયોગી ભૂમિકા નિભાવી શકે છે. રાજસ્થાન રોયલ્સના મિડલ ઓર્ડરમાં બેન સ્ટોક્સની ખોટ છે.
રોબિન ઉથપ્પા અને રિયાન પરાગ રાજસ્થાનની આશા પર ખરા ઉતરી શક્યા નથી. સ્ટોક્સની ઓલરાઉન્ડ ક્ષમતા કેપ્ટન સ્ટીવ સ્મિથના વિકલ્પોને વધારી દે છે.
