સમુદ્રના રસ્તે ભારતમાં ડ્રગ્સ ઘુસાડવાનું ષડયંત્ર
350 કરોડના ડ્રગ્સ સાથે એક શખ્સને દબોચી લેવાયો, જાણો વિસ્તારથી
સોના, ચાંદી, ઇલેક્ટ્રિક આઈટમ, કાપડ, સિગારેટ સહિતની વિદેશી આઇટમોની દાણ ચોરી અને દેશદ્રોહી પ્રવૃત્તિ માટે પંકાઈ ગયેલ દ્વારકા જિલ્લો ફરી ચર્ચાની એરણે ચડ્યું છે. આ વખતે દ્રગ્સની હેરાફેરી સામે આવી છે. દેવભૂમિ દ્વારકા S.P. સુનિલ જોશીએ માહિતી આપી છે. વાડીનાર નજીકથી એક રાજસ્થાની આરોપીને 66 કિલો જેટલું ડ્રગ્સ સાથે આંતરી લેવાયો છે. જેની બજાર કિંમત 350 કરોડ હોવાનું S.P.એ ઉમેર્યું છે.
દેવભૂમિ દ્વારકા જિલ્લો ભૂતકાળમાં દાણચોરી અને કેફી દ્રવ્યો તેમજ હથિયારોની ઘૂસણખોરીનું કેન્દ્ર રહ્યો છે ત્યારે ફરી વખત સ્થાનિક પોલીસની જુદી જુદી શાખાઓ સક્રિય થઈ સુવ્યસ્થિત ચાલતા દ્રગ્સ કૌભાંડને પકડી પાડ્યું હોવાના અહેવાલ મળી રહ્યા છે. દેવભૂમિ દ્વારકા LCB અને SOG દ્વારા આ ઓપરેશન પાર પાડવામાં આવ્યું હોવાના અહેવાલ સુત્રોમાંથી સાંપડ્યા છે.
