ખંભાળિયા સ્થિત જિલ્લાની એકમાત્ર સિવિલ હોસ્પિટલમાં કાર્યરત કોવિડ-19 હોસ્પિટલની ખાસ મુલાકાત મંગળવારે અહીંના જિલ્લા કલેક્ટર ડો. નરેન્દ્રકુમાર મીના એ લીધી હતી. આ મુલાકાત દરમિયાન જિલ્લા કલેક્ટર ડો. મીનાએ હોસ્પિટલના કોવીડ વોર્ડમાં સ્થિત સી.સી.ટી.વી. નું મોનીટરીંગ કર્યું હતું.
આ ઉપરાંત ફ્લુ ઓ.પી.ડી.માં આવેલા દર્દીઓ તેમજ તેમના સંબંધોઓ સાથે ચર્ચા કરી હતી. આ મુલાકાત દરમિયાન હોસ્પિટલમાં સુવિદ્યાઓ વધારવા માટે પણ ચર્ચા કરી હતી. અને જરૂરી માર્ગદર્શન પણ આપ્યું હતું. આ સમગ્ર મુલાકાત દરમીયાન તેમની સાથે કોવિડ હોસ્પિટલનાં અધિક્ષક, નિવાસી તબીબી અધિકારી, એ.એચ.એ., સીસ્ટમ મેનેજર વિગેરે ઉપસ્થિત રહ્યા હતા.
