કોરોના હોવા છતાં, ડૉનાલ્ડ ટ્રમ્પ લશ્કરી હૉસ્પિટલની બહાર નીકળ્યા, સમર્થકોને મળવા ગયા,
ટ્રમ્પને જોઇને તેમના સમર્થકો આનંદમાં આવી ગયા હતા.
ટ્રમ્પની કારની બધી બારીઓ બંધ હતી અને સુરક્ષાનાં તમામ પગલાં લેવાયાં હતાં.
ડૉનાલ્ડ ટ્રમ્પને કોરોના થયો હોવાથી અમેરિકાની લશ્કરી હૉસ્પિટલમાં સારવાર લઇ રહ્યા હતા. આમ છતાં પોતાના સમર્થકોને મળવા હૉસ્પિટલની બહાર નીકળ્યા હતા અને વૉશિંગ્ટન ડીસીના મેરીલેન્ડ ઉપનગરમાં બેથેસ્ડાના રૉકવીલે પાઇક થઇને પોતાના મોટર કાફલા સાથે ગયા હતા.
ટ્રમ્પે ટ્વીટ કરી હતી કે હૉસ્પિટલની બહાર ભેગા થયેલા મારા ચાહકો અને સમર્થકોનું હું અભિવાદન કરું છું. મને આ બધા લોકોનો સપોર્ટ છે એનો મને આનંદ છે.
ટ્રમ્પે ટ્વીટ કરી હતી કે હું મારા ચાહકોને ચોંકાવી દેવા જઇ રહ્યો છું. ડૉક્ટરોએ તો બેધડક કહ્યું હતું કે આ વર્તન પાગલપણા જેવું હતું. આ રીતે કોરોનાગ્રસ્ત વ્યક્તિથી બહાર નીકળાય નહીં. એ બીજા અનેકને ચેપ લગાડી શકે.વ્હાઇટ હાઉસના પ્રવક્તા જ્યુડ ડીરેએ એવો દાવો કર્યો હતો કે મેડિકલ ટીમની પરવાનગીથી આ પગલું લેવાયું હતું.
