ટ્રેડિંગરાષ્ટ્રીય

કેન્દ્ર સરકારે જાહેર કર્યું બોનસ, રેલવે કર્મચારીઓ હડતાલનો નિર્ણય પાછો ખેંચ્યો…

કેન્દ્ર સરકારે તમામ કેન્દ્રીય કર્મચારીઓને વાર્ષિક બોનસ જાહેર કર્યા પછી, રેલ્વે કર્મચારીઓના સંઘે આવતીકાલે યોજાનારી હડતાલ પાછી ખેંચી લીધી છે. બોનસ મળ્યા બાદ રેલવે કર્મચારીઓનાં યુનિયનો નારાજ, એઆઈઆરએફએ કેન્દ્ર સરકારને 22 ઓક્ટોબરે હડતાલ પર ઉતરવાની અને તમામ ટ્રેનોને 2 કલાક બંધ રાખવાની ધમકી આપી હતી. આ માટે, કેન્દ્ર સરકારને આજદિન સુધીનું અલ્ટિમેટમ પણ આપવામાં આવ્યું હતું.

આ મામલાની ગંભીરતા જોઈને કેન્દ્ર સરકારે આજે કેબિનેટની બેઠક બોલાવી હતી, જેની અધ્યક્ષતા પીએમ નરેન્દ્ર મોદીએ કરી હતી. આ બેઠક બાદ કેન્દ્ર સરકાર દ્વારા વિજય દશમી પૂર્વે કેન્દ્રિય કર્મચારીઓને બોનસ આપવાની ઘોષણા કરવામાં આવી હતી, જેમાં લાખો રેલ્વે કર્મચારીઓ પણ શામેલ છે. કેન્દ્ર સરકારની આ ઘોષણા બાદ રેલવે કર્મચારીઓના સંઘે હડતાલનો નિર્ણય પાછો ખેંચી લીધો હતો.

મળતી માહિતી મુજબ રેલવેને ટ્રેક પર ચલાવવા માટે આખા દેશમાં લગભગ 10 લાખ રેલ્વે કર્મચારીઓ કામ કરે છે, જે જુદા જુદા ગ્રેડના હોય છે. આ કર્મચારીઓને દર વર્ષે દુર્ગાપૂજા દરમિયાન વાર્ષિક બોનસ આપવામાં આવે છે, પરંતુ આ વર્ષે તેઓ ખૂબ ગુસ્સે થયા હતા અને દુર્ગાપૂજા પર બોનસ ન મળતાં હડતાલ પર ઉતરવાની ધમકી આપી રહ્યા હતા. વાર્ષિક બોનસ તરીકે, દરેક રેલ્વે કર્મચારીને 17000 થી વધુનો બોનસ મળે છે.
પીએમ નરેન્દ્ર મોદીની અધ્યક્ષતામાં મળેલી કેબિનેટની બેઠક દરમિયાન તહેવારની સિઝનને ધ્યાનમાં રાખીને સરકારી કર્મચારીઓ માટે મોટો નિર્ણય લેવામાં આવ્યો છે. કેબિનેટે 30 લાખ સરકારી કર્મચારીઓને દીપાવલી બોનસ (સરકારી કર્મચારી બોનસ) આપવાની જાહેરાત કરી છે. કેન્દ્રીય પ્રધાન પ્રકાશ જાવડેકરે જણાવ્યું હતું કે દશેરા પહેલા કેન્દ્ર સરકારના 30 લાખ કર્મચારીઓને 3,737 કરોડ રૂપિયાના બોનસની ચુકવણી શરૂ થઈ જશે.

Tags

Related Articles

Leave a Reply

Your email address will not be published. Required fields are marked *

Back to top button
Close