ફિલ્મ ”રન”માં તેના ”કૌવા બિરયાની” દ્રશ્યથી લોકપ્રિય થયેલા વિજય રાજ (વિજય રાઝ) ની પોલીસે મહારાષ્ટ્રના ગોંડિયા જિલ્લામાંથી ધરપકડ કરી છે. વિજય રાજ પર ફિલ્મના સેટ પર એક મહિલા કલાકારની છેડતીનો આરોપ છે.
અભિનેતા સામે આઈપીસીની કલમ 354 હેઠળ કેસ નોંધવામાં આવ્યો છે. વિજય રાજ તેની ટીમ સાથે બાલાઘાટમાં હતો, જ્યાં તે તેની આગામી ફિલ્મ ”શેરની”ના શૂટિંગ માટે પહોંચ્યો હતો. સમાચાર અનુસાર સોમવારે મહિલાની ફરિયાદના આધારે પોલીસે મંગળવારે સવારે રામનગર પોલીસ સ્ટેશનમાં ગુનો નોંધીને અભિનેતાની ધરપકડ કરી હતી.
કોણ છે વિજય રાજ
તમને જણાવી દઇએ કે અભિનેતા વિજય રાજ બોલિવૂડના જાણીતા અભિનેતા છે. તેણે ઘણી હિટ ફિલ્મોમાં કામ કર્યું છે. તેમણે 1999 માં ફિલ્મ ”ભોપાલ એક્સપ્રેસ”દ્વારા અભિનયની શરૂઆત કરી હતી. આ પછી, તેણે ઘણી ફિલ્મોમાં અભિનય કર્યો, પરંતુ વિજય રાજને 2004 માં ફિલ્મ રનથી બોલિવૂડમાં તેની વાસ્તવિક ઓળખ મળી. ફિલ્મ ”રન” માં તેમનો ”કૌવા બિરયાની”સીન ખૂબ જ લોકપ્રિય હતો. વિજય રાજ છેલ્લે વેબ સિરીઝ ”પરીવાર” માં જોવા મળ્યો હતો.
પહેલેથી જ ધરપકડ કરાઈ છે
આ અગાઉ અભિનેતાની 2005 માં ધરપકડ પણ કરવામાં આવી હતી. તે સમયે દુબઈમાં ડ્રગ્સ રાખવાના આરોપમાં તેની ધરપકડ કરવામાં આવી હતી. જો કે, બાદમાં તેને જામીન પર મુક્ત કરવામાં આવ્યો હતો.
